Only Minoz

السلام عليكم ..

مدونة خاصةة لَ المينوز فقط ..

بإدآرتي ( Admin Sweera )

آتمنى آشوف تفاعل المينوز وتشجيعه لَ المدونةة ..

مسسآحةة خآصة لكم ..

للاسئلةة + الاستفسارات !!

33 تعليقات على “Only Minoz

  1. انيو تشينقو !!
    اتمنى تكوني بخير
    بدخل سريع بالموضوع
    حابه أشاركك بنقل أخبار لي مين هو في المدونه
    اممم كان عندي مدونه عدد الزيارات فيه 4000000 تقريبا
    وتركتها من سنتين “.”
    وحابه أرجع لنقل أخباره
    لكن حسيت لو بأشطح بأخبار جديده فجاءة بيصير غريب
    بس بما أنك أنت تنقلين الأخبار الأجديده حبيت أنضم لك
    لو موافقه هذا تويتري @yasmin__gh
    خبريني عليه ^^

    • آنيو حبيبتيَ ^^
      والله اعذريني انا لحد الان مرتاحه بنقل الاخبار بروحي ..
      اذا احتجت مساعده اكيد بتكونين انتي اول وحده اسالها ^^

  2. انيونغ انا ابا اعرف كيف انشر موضوع او خبر عالعموم تراني يديدة في المنتدى و بعد ابا اعرف كيف اغير الصورة اوني

  3. اممممممم حبيت اساالك وش اسم القناه الي تنعرض عليها الورثه واذا تقدرين تعطيني ترددها وكذا اما بنسبه لمدونتك مشاللللله جمييييييييلة استمري

    • هلا حبيبتي ..
      القناة اسمها SBS
      بس للاسف مانقدر ننزلها عندنا بالوطن العربي =(
      فـ مضطرين نتابع المسلسل آون لآين =(’

      تسلمين والله من ذوقج =$’
      ويسسلم لي تواجدج =$’

    • هلا حبيبتي ..
      تامرين بكتب لج اللي ببالي الحين ^^
      وانتي اذا قعدتي تفترين بالنت ، بتشوفين اخبار كثيره عن لي مينهو ^^

      اهو دخل شركته اللي اهو فيها الحين لما كان بالثانويه
      وكان يمثل بادوار ثانويه يعني مو الرئيسيه

      بسنه 2006 .. بيوم تخرجه من الثانويه ، كان طالع مع اصدقائه وسوا حادث قووي حححيل ،
      من قوه الحادث ، اوبا قعد بالمستشفى فتره طوويله ، تقريبا 6 شهور .. كانوا حاطين له حديده بفخذه اليمين وماشالوا منه الحديده الا بعد ماخلص تصوير مسلسله فتيان قبل الزهور سنه 2009 .. وطول فتره علاجه قال اوبا انه كان يستخدم ايده اليسار بدال اليمين ، وهالشي تقدرين تلاحظينه بمسلسلاته ، تشوفين انه يقدر يستخدم ايدينه الثنتين بسسسهوله ..

      سنه 2007 مثل اول دور بطولي له بدراما كوميديه مدرسيه اسمها Mackerel Run ، الدراما من 8 حلقات ، المفروض تكون 16 حلقه ، وبعد ماقالوا لاوبا انهم بيخلونها من 8 حلقات بس تضايق وخاصه اول دور بطولي له ووده يبدع فيه ، وقال مره ان معاملتهم له بالكواليس كانت تضايقه ، وانهم مايعتنون فيه ، وذكر موقف لما كان يصور المشهد اللي يطيح بنهر الهان كان الجو بارد ، وبعد ماطلع من الماي محد قرب منه وساعده ، اهو بروحه راح وقعد بالسياره ..

      وبعد بسنه 2007 مثل بمسلسل I am Sam بس ماكان دور البطوله ، والبطله كانت اهي نفسها بطله مسلسل سيتي هنتر ..

      وفي 2008 سوا فلم وهم مثل دور طالب ، وماكان له دور البطوله ، ومثل بمسلسل من حلقه وحده بس وكان بعد مدرسي ودوره طالب ..

      النجاح او الشهره الكبيره لاوبا بدت في سنه 2009 ..
      هالسنه اللي سوا فيها مسلسله الناجح Boys Before Flowers ..
      قال ان بعد ماقرا الدور , ويوم راح لتجربه الاداء لدور ( غو جون بيو ) .. شد حيله وكان مصر ياخذ الدور وقبل لا يروح لتجربه الاداء جعد شعره (نفس شخصيه المانجا اللي ماخذين فكره المسلسل منها ) وراح يقدم لتجربه الاداء ، واستانس انهم قبلوه .. وتعب حيل بالتصوير وخاصه انهم سافروا ل3 دول تقريبا .. والحمدلله المسلسل اشتهر حححيل ،
      وقبل لا يخلص عرض المسلسل كانت تجيه عرووض كثثثيره من الشركات علشان يصور اعلانات ، صور اعلانات للتلفونات واعلانات اكل ومحلات وملابس ….. إلخ
      اكتسب شعبيه كبيره مو بس بكوريا حتى برا كوريا مثل اليابان والصين وتايلند وحتى باوروبا وامريكا وعندنا بالوطن العربي ..
      واول ماخلص مسلسل فتيان انشغل بالتصوير للاعلانات ، ولقبوه لقب “ملك الاعلانات” .. وسوا اعلانات مع كذا ممثله .. منهم بطله مسلسل فتيان ، وحتى الـ F4 سوا معاهم اعلان ..

      وبسنه 2010 قبل دور بمسلسل Personal taste ، والمسلسل كان تغير كككككبير عن دوره بفتيان والناس انجذبوا له ولقدرته على التمثيل ، وهم بعد المسلسل اشتهر مو بس بكوريا ..

      وفي 2011 ، سوا City Hunter .. هالمسلسل سوى ضججه ، تقريبا مثل شهره فتيان او اكثر ، اوبا ابدع بالتمثيل وكان المسلسل من النوع الاكشن والرومانسي ، ابدع بمشاهد الاكشن ، وقبل يصور المسلسل كان داخل مدرسه لتعليم الدفاع عن النفس ، ويعلمونه حركات القتال وهالسووالف ، وبعدها سافر لتايلند يصور اول مشاهد للمسلسل ، ورجع لكوريا يكمل تصوير ، المسلسل شعبيته كانت كبييييره حححيل ، ومو بس تمثيل اوبا اللي صج بدع فيها حتى ازيائه او ملابسه وستايله اللي بالمسلسل كانوا مسوين ضضجه ، والصحف تتكلم عن ازيائه وملابسسه ..

      وبعدها سنه 2012 سوا اول مسلسل تاريخي بحياته الفنيه اسمه Faith ، المسلسل كانت قصته حلووه (بالنسبه لي حححيل محطمممني وحبيت شخصيه اوبا ودوره بالمسلسل ^___* ) .. وطبعا المسلسل كان له شهرته بكوريا وخارج كوريا ..

      والحين بسنه 2013 مسلسله الورثه او The Heirs .. المسلسل اصلا من قبل لا ينعرض والناس متحمسسه له ، وخاصة ان الكاتبه نفسها مشهوره ومسلسلاتها ناجحه ، وثاني شي اختيارها الموفق للممثلين وكتابتها للاحداث والمواقف الحلوه اللي تصير ، ومع عرض المسلسل كان ناجح حححيل ولي الحين كل يوم يزيد نجاحه وشهرته حتى قبل لا ينتهي المسلسل

      اوبا فاز بجوائز من بداية تمثيلة بفتيان 2009 لي 2012 ..
      وان شاءالله هالسنه 2013 ياخذ جوائز بعد ^__^

      اوبا مو موهوب بالغناء ولا الرقص .. بس صوته واهو يغني حلووو
      واذا سوا فان ميتنق ( اهو حدث يتجمع فيه مع معجبينه ) يحب يغني لهم بصوته ..
      وسوا حححفلات واجد بكذا دوله .. والحضور كان بالآلآف ..

      ببدايه سنه 2013 .. اوبا سوى البوم غنائي خاص فيه .. كان يقول بمعني ^_* ” ان هالالبوم موعلشان يبدي مشواره كمغني ، لا هالالبوم هديه منه لمعجبينه اللي دايما يدعمونه ويشجعونه ، وحب اذا شافهم بحفلات يغني لهم اغاني خاصه فيه ”

      وفعلا سوا جوله عالميه ببدايه هالسنه 2013 ، وسوا حفله بـ 8 مدن < مو متذكره بس اتوقع 8 لووول
      وغنى بالحفلات اغانيه ورقص بعد شوي للمعجبين ^__* ..

      وووو
      واخر شي ، لي مينهو كان موديل او عارض اساسي لكامري تويوتا الامريكيه لمدة سنتين (2011 – 2012 ) وصور لهم مسلسل قصير كـ دعايه لشركة السيارات ..
      بتلقين المسلسل مترجم عربي بالمدونة ^^ ..

      وان شاءالله مااكون نسيت شي
      وسوري على الاخطاء الاملائيه اذا موجودة =$’
      واي سؤال انا حاضره =$’

  4. عن جا د يهبل كيف عرفت كل الاخبار دى انا بدى اعرف كل الاخبار بها المدونه بس مو بعرف كيف بدى مساعده بليز

  5. السلام عليكم انا احب الممثل ليمن هو مراا وحابه اعرف اخباره اول باول عندي بالتويتر اتمنى تفيديني الله يسعدك بيكون احسن لو تنقلين اخباره بالتويتر افضل وعندي مشكله في القناة الكوريا ادورها بس م تطلع معي اتمنى تفيديني وابي مسلسلات ليمن هو الحديده الله يسعدك غير سيتي هنتر والورثه هذا حسابي ف التويتر اللي عندها اخبار عنه تفولي ربي يسعدكم @wjdann1995

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s